Lah ban pdiang ka DCA ia ka Bill phiah constituency ka KHADC

Shillong, 7 Naitung:
Ka tnad District Council Affairs (DCA) ka lah ban ai ia ka jingmynjur ia ka Khasi Autonomous District (Constitution of District Councils) Rules, 2013 Amendment Bill, kaba pas da ka dorkar ka Council ban phiah thym mai ia ki constituency MDC ka KHADC.
“Ym don jingeh ban bat ia kane ka Bill namar ba ka KHADC ka la dep pas bad ka la dep pan jingmut ruh na ka DCA department ban pynbeit ia ki jingduna ha ka Bill kaba la pas ha u snem 2008,” la ong u heh ka tnad DCA ha kane ka sngi u Blei.
U la ong ba ka sorkar ka lah ban ai ia ka jingmut jongka sha u Lat ban ai ia ka jingmynjur.
U la ong ba lada kwah ban ujor ia kane ka Bill, lah ban leh hadien ba la mynjur u Lat ka jylla. Lah ban kdew ba u MDC ka Laitkroh constituency u Bah Carmel Sohtun u la pyrshah jur ha ka por ba pas ia kane ka Bill ban pynduh noh ia ka Laitkroh da kaba pynmih ia ka Umsning.
“Ia ka dorkhas lah ban ujor hadien ba la pdiang da u Lat ka jylla halor ka Bill” la ong une u heh sorkar.
U MDC ka Laitkroh bad u MDC ka Jaiaw Bah Adelbert Nongrum (KHNAM) ki la mih na iing dorbar hadien ba ka Council ka la pas ia kane ka Bill da ka bor.