Sam jingiarap U MLA sha ki lanot

Shillong, 31 Naitung:
U bah Sanbor Shul-lai-MLA lem bad ki dkhot jong ka MCIC 19th South Shillong Constituency, ki la ai jingiarap sha kito ki longiing, kiba la mad ia ka jingshah lynshop ha ka mariang, na ka jingtwa bad jingjur slap, ha ki shnong kiba hap ha u pud u sam jong ka 19th South Shillong Constituency.
La sam jingiarap T.10hajar marwei, ha kaba kiba ioh jingiarap, ki poi sha ka T.80hajar bad la ai sha kitei ki phra tylli ki iing, kaba dei ka jingiarap, kaba U MLA, ula ioh lyngba ka honorarium.
Kito kiba ioh jingiarap, ki long ka kong Stella Dohling na Upper Lumparing, ka kong S. Mawlong na Lower Lumparing, ka kong Adrina Dkhar na Lower Lumparing, ka kong Lit Kharmuti na Upper Lumparing, ka kong R. Rynjah na Upper Lumparing, ka kong Sapini Bhowmick na Lower Lumparing, Ka K. Das na Upper Laban bad ka Purnima Thapa na Riat Laban.