Rakhe 175 snem ka Balang Nongsawlia

Shillong, 31 Naitung:
Ka Khasi Jaintia Prebyterian Assembly kan pynlong ia ka jingrakhe bad ainguh ia u Blei, na ka bynta ka jingdap 175 snem ka jingwan ka Balang ha ri Khasi bad Jaintia ha ka Balang Nongsawlia ha ka 18-20 tarik Naiwieng 2016.
Ka Balang Nong-sawlia shi bynta ban pynkhreh ia kane ka jingrakhe ka la pynmih ia ka Memento ban pynsah kyn-maw bad kyrshan ia ka jingpynkhreh ia kane ka jingrakhe.
Halor kane, ka Balang ka kyrpad ia ki para bangeit baroh ban pynioh ha lade ia kane ka memento kum ka dak jong ka jingiasnohkti lang bad ka Balang, bad lah ban ioh ia kine ki memento na Blessing GS Road,Motphran, Shillong bad na Balang Presbyterian Nongsawlia, Sohra, la ong ka kyrwoh na u Pastor RF Kharkrang uba peit ia ka Balang Nongsawlia.