Ujor ki ar seng ia ki laisen kali

Shillong, 29 Naitung:
Hadien ba la ioh shibun ki jingujor na u paidbah u ba bun ba lang, ki artylli ki sengbhalang ki ba kynthup ia ka Me-ghalaya Peoples’ United Front (MPUF) bad ka Khasi Jaintia National Union (KJNU) ki la leit ia kynduh ia u District Transport Officer (DTO) jong ka West Jaintia Hills District halor ki ba bun ki jingeh jong u paidbah bad khamtam ha ka ba iadei bad ki sticker jong ki Local Taxi bad ka jingbymiaid beit ki kam ki jam jong u paidbah khamtam ha ka ban issue ia ki kot ki sla kum ka laisen niah kali bad kumta ter ter.
Ha ka ba iadei bad kane, na ka liang jong u DTO u la pynshai ba don ki kam, kiba thylli haduh mynta ym pat lah ban pyndap ia ki lyngba ka District Selection Committee (DSC) bad dei namar kata ka daw ba ka office ka dkhoh ban treikam.
Dei halor kane na ka liang jong ki ar seng, ki la kyrpad jur ia ki ba trei hapoh kane ka ophis ha ryngkat bad ka jingmaham ba dei ban wan biang por bad ban pyndep ia ki kam jong u paidbah ha ka por ka ba biang, lym kumta ki ar seng kin shim ia ka synjam ka ba kham tyngeh, pynkut ka kyrwoh na ki arseng.