Pdiang burom ia u heh FKJGP, ba ioh khusnam President

Shillong,7 Naitung:
Ka FKJGP Upper Shillong Circle ha ryngkat ka Seng Samla Shnong Mawklot da ka jingkmen kaba khraw ka la Pdiang burom ia u Samla Kitbokl ang Nongphlang (President FKJGP Upper Shil long Cirle) uba dei ruh u Chief Patron jong ka Seng Samla Shnong Mawklot uba la wanphai na ka Nongbah Delhi ha ka 5 tarik mynta u bnai ryngkat ka khusnam National Youth Award kaba u la ioh pdiang na u President ka ri u Pranab Mukherjee ha ka 4 tarik mynta u bnai ha Rashtrapati Bhawan,NewDelhi.
Kane ka jing ioh Khusnam National Youth Award, jong u samla Kitboklang Nongphlang na u Pranab Mukherjee, President ka Ri India ka dei ka burom kaba khraw ia ka Jaitbynriew bad ka Jylla hi baroh kawei namar ka jingnoh synniang jong u sah ka imlang ka sahlang ha ka liang jong ka Health, National Integration bad Community Development kaba la pynlong wat ia ka sorkar kmie lyngba ka Ministry Youth Affairs & Sports, Govt. of India ban ai ia ka jingithuh kaba kyrpang ia utei u samla Nongialam uba la trei borbah ban wanrah shibun ki jing kylla ha ka imlang ka sahlang lyngba ki kam treimon sngewbha kiba u la ai ka jing shakri mynta la palat 12 snem. La pdiang burom ruh ia u da kiba bun ki seng Samla bad ki seng Bhalang ha ka sngi ba u la wanphai na Delhi.