Pan jubab ka High Court, halor ka elekshon MDC

Shillong, 27 Naitung:
Ka Meghalaya High Court ha kane ka sngi Balang ka la pan jingshai na ka sorkar jylla halor ka jingslem jongka ban pynlong ia ka elekshon MDC shiteng samoi ha ki7 tylli ki konstitwensi ba la risain noh ki MDC ba bat lang kum ki MLA.
Kane ka jingpan jubab ka High Court ka long hadien ba la ujor PIL da u Bah Cheru-bin Thongni pyrshah ia ka sorkar jylla halor kano ka nongrim ba kam shym la pynlong shuh ia ka elekshon.
Ha ka dorkhas u Bah Thongni u la ong ba hynriew tylli ki jaka ne konstitwensi ba hap ha ka Khasi Hills Autonomous District Council (KHADC) ki la shu sah kumto la jan shiphew bnai mynta ha kaba ka sorkar jylla kam shym la leh eiei haduh kine ki sngi.
Ha ka hukum ka High Court ka la ong ba ka sorkar jylla ka dei ban ai jubab hapoh lai taiew bad yn sa shong bishar biang ia kane ka kam.