Ka patok ba khlem DG, ba shah pynhiar u Kulbir

Shillong, 7 Naitung:
Ka tnad kam poh iing jong ka phatok (Prison) kan hap shong khlem u DG sa hi bnai ei ei hadien ba shah knieh noh u DG barim u Kulbir Krishan.
U DG (Prison) ba dang shu shah thung shen u Prem Singh uba dei ban wan sdang ia ka kam naduh ka 8 tarik Naitung, u la pan shuti sa shi bnai.
“Ka jingpynbna jong ka sorkar ia ka jing thung ia u Singh kum u DG (Prison) ba thym mai la dep”, la ong ka khubor sorkar ha kane ka sngi u Blei.
Katkum ka thymmei khubor sorkar, u IG (Prison) u FD Sangma yn bteng ban peit ia ki kam jong kane ka tnad phatok haduh ba u Singh un wan ban shimti kum u DG hadien ba la wan phai na ka shuti jongu.
Lah ban kdew ba u Singh u la shah knieh ha ka thong ban shimti kum u Director General of Police (DGP) hadien ba um da kwah ban shimti ia kane ka kam ba heh duh jong ka tnad pulit ha ka jylla.
U Singh u la shah thung kum u Acting DGP hadien ba ka sorkar ka la weng noh ia u DG ka tnad Home Guard and Civil Defence ba mynta u Kulbir Krishan shwa ka elekshon ha ka jylla mynshem snem.