Halor ka kam ia kajia pud Assam Meghalaya Kwah long ksiang U Lat Mooshahary

Shillong, 7 Naitung:
U Lat barim ka Meghalaya uba dang shu leit noh u Ranjit Shekhar Mooshahary u la pynpaw ba u kwah eh ban long kum u nongpyniadei pyn iasuk hapdeng ka jylla Meghalaya bad ka Assam ban pynbeit ia ki kam khappud.
Haba kren sha ki nongthoh shwa ban leit phai sha la iing, u Mooshahary u la ong ba u kloi ban long kum u ksiang lada ka Assam bad Meg halaya ki pdiang ia u ban leh kumta.
U la ong ia ki nong thoh khubor, ka long kaba bha lada kin ai jingmut lem sha ki ar tylli ki sorkar halor kane. `Balei phim ai jingmut ia ki ba u Lat ba la shong thait un long u ksiang. Kane ka long ka jingai jingmut ba nga kwah ban ai”.
U Mooshahary u la mih hynnin na Shillong ban leit phai sha la iing shwa ba un wan shimti u Lat thymmai u Dr. Krishnan Kant Paul.
Lah ban kdew ba ka jylla Meghalaya bad Assam ki la bun kam khru shi khru ban iakren ia ka jingiakajia pud hapdeng jongki. Ha ki khappud, la ju mih ka jingiakajia hapdeng ki nongshong shnong. Ka Meghalaya ka don haduh 12 tylli ki thain ba don hapdeng ka jingiakajia ha shi lynter khappud bad ka Assam.
Kine ki kynthup ia ka Langpih, Upper Tarabari, Gizang Reserve Forest, Hahim, Borduar, Boklapara, Nongwah-Matamur,Khanapara-Pilangkata, Deshdemoreah, Block I bad Block II, Khanduli-Psiar bad Ratacherra.
Ki 12 tylli ki thain ba don hapdeng ka jingiaknieh ki iar haduh 2,700 km sawdong, ha kaba tang ki ar tylli ki block ki iar haduh 1,500 km sawdong.