Ujor ejahar U MDC rim, ia lai ngut ki riewthok riew shukor

Jowai, 25 Naitung:
U MDC rim ka Tuber, u ma Helping Phawa u la ujor ejahar ia ki lai ngut ki riew thok riew shukor ha kane ka Lahsngi U Blei.
Kitei ki lai- ngut ki kynthup ia kawei na ki nongtrei ka PWD, ka kong Tidle Warjri na Ladthad laboh, ia ka kong Humi Kynjing na Ladthadlaboh bad ia u ma Timi Ryng khlem uba dei na Dem thring bad uba sah ha Ladthadlaboh hi.
Kitei ki lai ngut ki la wan pan ram na u ma Phawa haduh 3 lakh 50 hajar tyngka bad ki la wanrah ban bynda daka jaka kaba ka Land Holding Certificate pat kaba dei kaba la shna hi thik kum ka LHC kaba aid a ka JHADC.
U ma Phawa uba dei ruh u President ka Sein Raij, Rangbah Shnong ka shnong Mutong bad President ka Sengkur Phawa –Siangshai ha ryngkat une u NOngthoh khubor ki la ia kynduh ia kitei ki lai ngut ha Yingkein Myntdu ha ka jaka ba ki la phah wan ban jurip shwa ia katei ka jaka kaba ki la thmu ban bynda.
Utei u TImi Ryngkhlem ula thok ba u dei u Chibeit Phawa na ka shnong Iooksi, katba katei ka kong Humi Kynjing ka kam ba kadei ka lok jong u TImi katba katei ka kong Warjri pat kadei ka nongiakren bad kadei ruh ka nongialam ban thok ban shukor da kaba leit pan ram kylleng kylleng da kaba bynda da katei ka kot khyndew ba la shna thok.
La ai jingujor sha ki pulit dei hadien bala pyntikna da ka JHADC ba katei ka dulir khyndew kadei kaba la shu shna thok. Ha katei ka sngi, la ialam beit beit ia kitei ki lai ngut sha Thanad Jowai da u ma Phawa ha ryngkat u rangbah shnong ka Caroline Colony, Ladthadlaboh Jowai. Ki pulit ki kem ia kitei ki lai ngut bad la ai jamin ia ki katkum ki kyndon jong ka ain ha katei ka juh hi ka sngi, hynrei ki pulit ki la register case pyrshah iakitei ki riew thok shukor hapoh ki kyndon 420, 488 bad 34 IPC.
Ia ioh jingtip ruh ba katei ka kong Tidle Warjri ka la pyndonkam ia katei ka LHC ba shu shna thok naduh u snem 2002 ban thok ban shukor ia ki riew luilui ban leit bynta ban kamai pisa.