Mynta yn bam smai U Lat thymmai

Shillong,7 Naitung:
Hadien ka jingkut ka por u lat barim u RS Moo shahary , lashai ka sngi u Lat ba thymmai ka jylla U Shri Krishant Kant paul un wan ban shimti thym mai ia katei ka kam ha kaba yn pynbam smai ruh ia u lashai hi ka sngi ha ka por 2:30 baje nohphai sngi da ka Chief Justice jong ka High Court ka Meghalaya. Ha kajingpynban smai ia u Lat ba thymmai u lat barim ruh un wan lang sha Raj Bhavan ban aiti syndon ia ka shuki jong u ha utei u Heh pulit ka Ri.
Mynhynnin ka sngi, shuwa ba un iehnoh ia katei ka shuki kaba u la shong la san snem pura u RS Mooshahary u la ai khublei khadduh ia ki paralok baroh kiba kynthup naduh u Chief Secretary ka jylla, ki ophisar sorkar bad kiwei pat ha Raj Bhavan. U lat barim ryngkat bad ka ing jong u kiba kynthup ia ka lok bad ki khun ki kti ki la iehnoh ia ka Raj Bhavan ban leit sha ka jaka sah jong ki sha Guwahati.