Mynsaw 3, na ka jingjia aksiden ha Rangshken

Shillong, 22 Naitung:
3 ngut ki la mynsaw ha ka jingjia aksiden kaba la jia mynhynin ka sngi ha Rangshken kaba hap hapoh ka Block Mawphlang. Ha katei ka jingjia kawei ka   Mahindra Max kaba don ia u nombar ML10A – 1985 kaba wan na Mairang ban leit sha Shillong ka la ia tyngkhuh bad kawei ka Hyundai Grand i10 kaba wan na ka liang ba mar pyrshah ,katei ka Hyundai ka dei kaba don ia u nombar ML06 – 7196. Katei ka Hyundai ka dei kaba wan na Shillong ban leit sha Nongstoiñ. 3 ngut kiba la mynsaw ki dei kiba shong hapoh katei ka Hyundai ki long u bah Kampass Sohshiang (30snem), u bah Shimlinti Marbaniang (24 snem) bad u Everist Ryntathiang (32 snem) ,la pynkit ia kitei kiba la mynsaw sha PHC Mawphlang bad kham hadien la pynkynriah noh sha Civil Hospital, Shillong.