Pynkup burom ka ophis SDO ka Sohra ia ki samla pule

Shillong, 5 Naitung:
Ka ophis jong ka Sub Divisional Office (civil) Sohra ryngkat bad ka ophis jong ka Sub Divional School Education Officer (SDSEO)ki la pynkup burom ia ki khynnah ba pas bha ha ki exam jong ka Secondary School Leaving Certificate (SSLC) bad Higher Secondary School Leaving Certificate(HSSLC) jong mynta u snem 2013.
Ki khynnah kiba la shah pynkup burom ha SSLC ki kynthup ia u HameKisan Nongkynrih u ba la ioh ia ka kyrdan 13 position, Aphilarisha Diengdoh I la ioh ia ka kyradan 18 position bad u Bivan Plielad Chyne ha ka kyrdan 19 position. Kine ki khynnah baroh lai ngut ki dei na ka skul Rama Krishna Mission Higher Secondary School Sohra. Nalor kine lai ngut ki khynnah la pynkup burom ruh ia ki khynnah ki ba ioh heh mark ha ka HSSLC ki kiba kynthup ia u Wanboklang Nongsiej na ka skul Rama Krishna Mission bad i Clary Alvaricia Lynrah I ba dei na ka skul St.John Bosco Girls Secondary School. Kine ki ar ngut ki khynnah ki ioh 100 ha ka sobjek Social Studies.
Ka ophis SDO ka la pynkup burom kyrpang ia i Ilapynsuklin Khongsti i ba don jingduna ha ka bor iohsngew I ba dei naka skul Kyntiew Shaphrang Higher Secondary School Laitlyngkot. Ine I khynnah I la ioh Distinction haduh 5 tylli ki sobjek.
Ia kine ki khynnah pule la pynkup burom da u MLA ka Sohra u Bah Titosstar Well Chyne ryngkat ka jingiadon lang bad u SDO (Civil) ka Sohra, ka SDSEO jong ka Sohra ka kong M.Pde bad ki Principal jong ki skul bapher bapher.
Shuwa ban pynkup burom ia kine ki khynnah u Bah Titoss u ba dei u kongsan ha kane ka sngi u la ong ba ka jingpas baha jong ki khynnah ka lonh ka burom ia ka Sohra Sub Division. “mar iatip ba don kiba ioh list na thain Sohra nga la kyndeh ka mynsiem da ka jingkmen”, la ong u MLA ka Sohra.
U la ong ruh ba ka jingpynkup burom kam mut tang ban ai pisa ne momento hynrei kan long ka jingai mynsiem ba kin ialeh kham bha shuh shuh nangne shakhmat.
Ha kajuh ka por u la kyrmen ruh ba shen ka Sohra kan sa paw kum ka jaka pule ka ba pawnam namar ki jak pule kiba bapher bapher kin sa mih kum ka ITI, NIT bad ka Rama Krishna shen kan plie noh ia ka Kolej.
Kumjuh ruh u SDO (civil) u Bah Ceyril Diengdoh u la ong ba kine ki samla ki long ki Ambassador jong ka Sohra Sub Division. U la pynpaw ruh ka jingkyrmen lada kine ki samla kin ioh rung ha ka NIT ha Sohra ka ban sa treikam noh shen ha Sohra.
Ia kine ki samla la pynkup burom da kaba ai da ki momento bad ki pisa.