Lap ia ka met iap, uba shah dawa pisa T.30lak

Shillong, 18 Naitung:
Ha ka 27tarik Jylliew, la ioh ia ka jing ujor na ka kong Specially Wanniang jong ka shnong Mawtawar Laitlum, ba u khun jongka, U Daman khraw Wanniang (25), u jah na iing bad kumta ha ka 4tarik Naitung 2016, ka la ioh ia ka jingkrem mobile, ha kaba la iathuh ba u khun jongka, u don ha kti ki nongrahbor, ha kaba ki la dawa T.30lak, ban pyllait noh ia u.
Ki pulit jong ka Mawlai, ki la tohkit ia katei ka kam bad ki la ioh kem ia san ngut ki briew, kiba kynthup ia U Klemenroy Nongtri na Mawlai Nongkwar, U John Fishal Lyngkhoi (u dkhot HNLC barim) uba na Mawlai Mawtawar,    U Richard Wahlang na Mawlai Nongkwar (uba la ju shah kem bunsien na bynta ki kam pyntriem jongu),   U Shanborlang Rani na Mawlai Syllai Kariah (uba la shah kem mynshwa, namar ki kam pyniap briew bad U Kitboklang Kharsyntiew na Mawiong (uba la shah kem na bynta ki kam shoh briew); hynrei kitei kim shym la iarap ban ai jingtip, ia utei uba shah kem.
Ha ka 17tarik Naitung, la pynlong ia ka jingleit khynra ia ka khlaw jong ka Mawlai Mawtawar bad la lap ia ka met iap, kaba la tep ha katei ka khlaw, kaba la law lyngkhuid bad la shim ba katei ka dei ka met jong utei u briew, uba jah. Ka jingtohkit, ka dang iaid shaphrang, haduh ka por ba thoh ia kane ka khubor.