Khur jingjop ka Shillong Lajong ha ka sngi sdang ka 1st Division

Shillong,
5 Naitung:
Ha ka sngi sdang jong ka jingialehkai ka Shillong First Division Football kaba la long mynta ka sngi ha Madan JN Stadium ka Shillong Lajong kala pynliem ia ka Boys Sport company da 1-0.
Ha katei ka jingia lehkai ka Shillong Lajong kaba dei ka kynhun kaba la paw khmat bad kaba la don bun ki nongialehkai ba tbit, ka la ialeh kai ha kata ka rukom kaba itynnad bha bad ka bym I don jingartatien eiei ha kaba ia nujor bad ka Boys Sport ka kynhun ia lehkai ka Lajong ka la ioh ban rah bun ki bun katkum ka jingkhein ia ki bol ba ioh rah.
Katba ka jingialeh kai ka dang iaid la iohi ba ka Shillong Lajong ka la ioh bun ki kabu ksiar ban pynkhih jar hynrei kam shym la lah satia namar bun ki kabu kiba la ioh da u Redeem Tlang ,Shan bor bad Hardy ki shu lehnohei noh.
Kum juh ruh na ka liang ka boys sport ka la ioh ia ka kabu ban pynkhih jar hynrei namar ka jingtbit jong u nongap kol ka Lajong katei ka kynhun kam shym la ioh lad ban pynkhih ia ka jar.
Kane ka jingtrei shitom jong katei ka kynhun ka Lajong ka la urlong haduh ka minit kaba 45 ha kaba u Raddem u la ioh ban pynkhih jar kaba long ruh ka nam jop ia ka Lajong. Kumta ka jingialehkai ha ka kylla step ka la kut noh da 1-0.
Na ka liang jong ka Boys Sport ruh ka la trei shitom ban pynia khaid ia katei ka shikol hynrei namar ka jing khlain ki nongialehkai ba shadien ka Lajong katei ka kynhun ka la hap ban shu hun ha ka nam rem kaba 1-0.
Ha katei ka jingia lehkai ka kynhun ka Lajong ka la dei ban ioh thep bun tylli ki kol namar ka la ioh bun tylli ki kabu ksiar ban pynkhih jar hynrei baroh ki kabu ba ka la ioh ki shu leh nohei noh namarba ki nongia lehkai shadien ka Boys kim ai lad ban pynrung ia ka bol ha kol.
Lashai ka sngi saitjain ka jingiakhun kan long hapdeng ka Um phrup SS&CC bad ka Lawmali Pyllun SC ha ka por 1:00 baje janmiet , ka Shillong United FC bad ka Smit SC ha ka por 4 baje janmiet.