Kmen ki babu kolej ba kular u Mukul

Shillong,4 Naitung:
Mynta ka sngi haba kren sha ki nongthoh khubor , ki Nonghikai kolej hapoh ka lama jong ka Meghalaya College Teacher association (MCTA) ki la pynpaw ia ka jingkmen halor ka jingkular u Dr.Mukul Sangma Myntri Rangbah ka jylla ban pyllait noh shen ia ka arrear ba 80 na ka shispah jong ki kaba la sahteng.
Haba pynpaw ia ka jingkmen ki nonghikai kolej ki la ong ba ki don ka jingkyrmen ba skhem ban ioh ia katei ka kolej da kaba ong ruh ba u Mukul u dei u briew uba leh shisien ba la kren. Ki la ong ruh ba kane ka dei ka sien ba nyngkong ba u Mukul un kular ia ki nonghikai.
Ki nonghiakai kolej ki la iathuh ba ki la ia kynduh ia u Mukul ha kamra treikam jong u ha ka 5 tarik u Iaiong bad ha katei ka jingiakynduh u la kular ban leh eiei hapoh u bnai Jylliew ha kaba u la khot biang ia ki ban ia kren mynhynnin ka sngi ryngkat ki jingkular kiba skhem ban pynurlong noh ban pynioh ia ka tuloop jong ki.
Na ka por sha ka por ki ba bat ia ka bor bad ki bor bahalor bunsien h kim ju kyrngah ia kaei kaba ki nongdawa ki ju dawa ha ki bad ka jubab jong ki ka long beit ka jingkular ban pyndep, hynrei haba la buh jingkylli ia kane hakhmat jong ki nonghikai kolej hadien ba ki la pynpaw ba ki la long kiba tikna ban ioh noh ia ka Arrear, ba hato ki la long shispah na ka shisoah ban ioh ia katei ka Arrear baroh , ka jubab kaba mih na ki ka long ba kin hap ban buddien artad.