Pynkhuid Khlieh Iewduh ki nongiew

Shillong, 10 Naitung: Mynta ka step ki nongiew ki la pynkhuid ia ka jaka ieng kali kaba don ha Khlieh Iewduh kum shi bynta ban wanrah ia ka jingkhuid jingsuba jong katei iew. Ha katei ka jingpynkhuid baroh ki nongshong iew ka thaiñ Khlieh Iewduh ki la mih ryntih naduh ki mahajon juh-dohkha, ki nongtrei ha jaka pynieng kali bad ki nongkitnong ban pyllait ia katei ka jaka na ka jingsma iwtung. Hadien ba la dep ban lum ban lang ia ki jaboh ki la synreit da ka um bad nangta ki la pushara da ka shun ban pynphyrnai ia ka jaka ieng kali ha Khlieh Iew.
Haba ia kren bad kitei ki nongiew kiba pynkhuid ki la iathuh ba kam dei ka sien kaba nyngkong ba ki pynkhuid kumtei hynrei ka dei kaba ki ju leh shisien shibnai hynrei dei tang mynta ka sngi ba ka la long shisha kaba jop namar ka jingmih ryntih lut baroh.