Jop ka Nongkrem ia ka Umpling, shah beh u wei

Shillong, 4 Naitung:
Ka Nongkrem kala pynliem ia ka Umpling da 2-0 kol ha ka jingiakhun jong ka 1st Division ba la pyniaid da ka Shillong Sports Association mynne ka sngi ha JN Sports Complex.
U Teilang Kharumnuid u la thep shi kol ha ka 21minit bad haka 38 minit u la thep biang . Ha kane ka jingialehkai la sakhi ia la jingshah beh jong u wei u nongialehkai jong ka Umpling u Richard Pajuh hadien ba u la ioh pdiang ar tylli ki yellow card ha ka minit kaba 31 bad 71minit. Kane ka jingioh red card jong u kala pyntlot ia ka kynhun ialehkai jong u.
Hynrei watla ka jingshah beh ka jong u na madan lehkai ka Nongkrem kam shym la lah ban thep ha ka kylla miet. Kane ka kdew ba ha ka kylla miet ka jingialehkai hapdeng kine ki ar kynhun ka long kaba iakhaid.