Plie skul U Lat ha Shella

Shillong, 4 Naitung:
Ka skul thymmai jong ka Ramakrishna Mission, la plie mynta ka sngi, da U Lat ka Jylla ha Shella, East Khasi Hills, ha ka jingdon ryngkat U MLA jong ka thain, U Dr Donkupar Roy, U IG BSF, U PK Dubey bad ka Kong P Lawai Secretery, SBPS nalor kiwei pat.
La tei ia ka skul, da ka Special Purpose Vehicle Society (SVPS), kaba dei ka komiti, kaba la buh kyrpang, na ka bynta ban pyniaid stet ia ka kam rep, ka pule puthi, ka koit ka khiah bad kiwei de ki skhim, kiba don ha ki jaka ba don ka jingtih mawshun, da ka Lafarge-Umiam Mining Pvt. Ltd. Ka jing pyntreikam ia kitei ki skhim, ki long ha ki shnong bad ki Elaka, kiba don ha ka jingjngai kaba 50 Kilometre na katei ka jaka ba tih mawshun.
Ha katei ka prokram, U Lat ka Jylla, U V. Shanmugananathan, U MLA ka thain, U Dr. Donkupar Roy bad U Rev. Swami Brahma devenendaji Maharaj, ki sam ruh ia ki jain kup sha kito ki briew, kiba don ha kitei ki shnong bad ki don 1118ngut kiba ioh jingiarap bad kitei ki kynthup ia ki shynrang bad ki kynthei ruh kumjuh, kiba dei na ki shnong Jatap, Pyrkan, Umploh-Ichamati, Kalibari, Bholaganj, Kalatek bad Shella. (MIPR)