Khlad u shipai khasi, mynsaw jur uwei, ba iatynrah ka thuk thuk bad ka Night Super

Jowai, 1 Naitung:
U shipai ka Assam Regiment uba dang wan poi iing mynhynne ka step ban wan on thang ia la u kpa, u la khlad noh ha ka jingia tynrah ka thuk thuk kaba u niah bad ka Night Super Bus mynta ka shiteng sngi hajan Bihsyntiew, Mihmyntdu katba u paralok jong u pat u la mynsaw jur.
Utei u shipai udei uba la tip kyrteng kum u Phrangki Tangliang uba dei u khun jong u ma M Shadap uba dang khlad mynhynnin ka sngi. Utei u paralok jongu pat u dei uba la tip kyrteng kum u Khrehkynsai Shylla, u dei uba trei kam pahara ha NEIGHRIM. Baroh arngut ki dei na ka shnong Iooksi, West Jaintia Hills.
Ki pulit ki la iathuh ba u Phrangki bad u Khrehkynsai ki dang wan da ka thuk thuk ML 05 J 7437 na Iooksi ban leit sha Jowai hynrei ynda kila poi ha katei ka jaka hajan Bishop House, Bihsyntiew kawei ka Bus Night Super (AS 01DD 1157 ) kaba dang wan marpyrshah ka la tynrah ia ki ha kaba baroh arngut ki la mynsaw jur bad la pynkit ia ki sha Ialong District Hospital, Jowai. La iathuh ba U Bah Phrangki, u wan na ka bynta ka jingkhlad jong u kpa jongu; hynrei la dep thang ia u hi hynnin ka sngi. Utei u shipai u la khlad noh ha Ummulong ha ka por ba dang kit ia u sha Shillong ban ioh ka jingsumar kaba biang. Hadien ba ki pulit ki la pyndep nadong shadong, la aiti ia ka met jong u sha kiba haiing ban pyndep ia ka niam ka rukom. u draibar u la phet krad