Maham shna iing ha ki lain ilektrik

Shillong, 03 Naitung:
Namar ka jingjia iap shah bat ding elektrik jong ki 7 ngut ha Khliehriat myn 27 tarik u Jylliew, na ka liang u Inspectorate of Electricity Meghalaya Shillong, u pynpaw ba kum katei ka jingjia la donkam ban kiar katlah kat iai, da kaba bud ryngkhi iaki kyndon ki ain, ha ka por shna iing shna sem.
U Inspector u maham ia ki paitbah nong shong shnong ba kin long husiar bad peit ngor, khnang ban lait na ka jingma jingmynsaw ban kiar na ka jingtei iing ki bynta ba pyniaid ilektrik khamtam kito kiba line bah eh bor 11000 volt, 33000 volt bad 132000 volt.Shuh shuh u pynkynmaw ruh ba ki paitbah ki dei ban bud ia ka ain Regulation 61(1) jong ka Electricity Rules kaba maham ban shna iing shna sem ha ki lain kiba pyniaid bor ding ilektrik khnang ban lait na kajingma jingmynsa bad ba kum katei ka jingjia kan ym wan jia shuh.