San ngut lah ban iaknieh kam DGP

Shillong, 01 Naitung:
Hadien ba la shong thait noh u Rajiv Mehta kum u DGP, ka sorkar jylla shen kan sa shong jingialang da ka Security Commission ban jied da uwei pat u ophisar IPS ban shimti ia ka kam DGP ka jylla.
Ia mynta, ka sorkar jylla ka thung Acting DGP shwa da u SK Jain uban sa shong thait noh shen hadien katto katne bnai.
Katkum ka khubor ki don san ngut ki heh pulit IPS ka Assam-Meghalaya cadre kiba lah ban shah jied ban shimti ia ka kam kum u DGP ka jylla. Kine ki san ngut ki kynthup ia u YC Modi uba bat mynta kum u Addititional Director ka CBI ha Delhi, uba pas IPS ha u snem 1984, u PS Purohituba don  sha Delhi uba pas ha u  snem 1985, u Raghvendhra Awasthi uba long u DG (Home Guards) uba pas 1985,u SB Singh uba long DG (law & Order) jong u snem 1986 bad u RP Agrawal uba dei u Joint Director ka CBI uba pas IPS ha u snem 1986.
Watla ym pat thikna mano ban shah jied ban shimti ia ka kam DGP hynrei ka khubor ba la ioh lum, la ong ba u SB Singh uba bat kum u DG (Home Guards) u lah ban shah jied ban shimti ia ka kam kum u DGP ka jylla.