U Ma Vincent, u dei u tit, ong ka KJNU, dawa ba un panmap

Shillong, 30 Jylliew:
Ka Khasi Jaintia National Union (KJNU), Sengkmie ka la dawa na u MP ka Shillong u Ma Vincent ba un panmap halor ka jingkynnoh jong u ia ki seng kum ki seng Tit, ka kyrwoh na u nongialam katei ka seng u Niman N Shadap ka la ong ba u MP u dei ban pan map ia katei ka jingkren jong u bad u dei ruh ban ai jingshai mano kita ki seng Tit bad lada um lah ban pynshai u la ong ba u dei ma u hi uba long Tit.
Katei ka seng ka la ong ba kam ju phohsniew ba kat u MP un pynmih ia kiba kum kitei ki ktien, kat u MP ka jingmut jingpyrkhat ka dei ban long kaba iar ym ban shu kren pynlait jynhaw, ong katei ka seng. Shuh shuh ka la ong ba katkum ka jingkren u MP ka pyni ba u don ka jingsngewkhia bad iohi jngai ia ka jingduh kyrduh kam kyrduh jam ki samla jong ka Ri-Khasi –Jaintia hynrei ka la ong ‘Hato kum u MP u la leh aiu na bynta ka roi ka par hapoh ka Ri-Khasi Jaintia, ka pule puthi, ki lynti syngkien,ka koit ka khiah, aiu u la leh na bynta ki samla wadkam’ ong katei ka kyrwoh.
Katei ka seng ka la buh jingkylli ruh hato la utei u MP u la ju kren ne-em ha ing dorbar bah ka Ri ka Parliament, ne u shu long ñiangkohnguh pynban bad ioh u shu long pynban kum u Remote, pynkut katei ka kyrwoh ka KJNU.