Dawa weng kaba shah leh beijot ban bujli ia ka APP

Shillong, 29 Jylliew: Kawei ka briew ba buhrieh kyrteng ka la ujor sha u Law secretary ka tnad ain ka jylla ban weng noh ia ka Assistant Public Prosecutor (APP) bad thung bujli da uwei halor ka jingkynnoh ba kam shym la kitkhia ia la kamram ba la bynshet ia ka.
Ha ka shithi ba la phah sha u Secretary ka tnad ka main, kane ka longkmie kaba la ujor pyrshah ia uwei u briew ba kynnoh ba leh beijot ia ka naduh ba dang rit, ha u snem 2006 ka la kyrpad ba ka sorkar ka dei ban weng noh ia ka APP kaba la shimti ban iasaid ia ka kam jongka namar ba bym shym la kitkhia ia ka kam.
Ka la kyrpad ia ka sorkar ba kan thung da uwei u nongiasaid ain na ka bynta jongka ban pynthikna ban ioh ia ka hok na ka Kashari.
Ia ka mukotduma jongka la rah sha ka Kashari ka Khasi Hills Autonomous District Council (KHADC).
Kane ka longkmie ka la shah leh beijot ha uwei u briew uba la tip kyrteng kum u Joken Kharsati haba ka dang 7 snem ka rta ha u snem 2003.
Ka kyrpad ba ka sorkar ka dei thung da uwei u APP ban iasaid lem ia ka mukotduma jongka khnang ba kan ioh ia ka jingbishar hok bad u nonglehkam sniew u dei ban ioh ia ka jingpynsaja katkum ka ain.