Shah khrong khajna be-ain ki trok ha ka thain Amlarem

Jowai, 26 Jylliew:
Ki nongniah trok bad ki trai trok kiba shalan mawshun sha Bangladesh lyngba ka Dawki-Tamabil ki la kynnoh ba ki la shah khrong khajna be-ain ki briew kiba la thung da ka Core Committee of War Jaintia Limestone and Boulder Stones Exporters’ and Miners’ Association, Foreign Trade of Commerce Meghalaya and the Owner and Driver Trucks Limestone War Jaintia Association.
Kitei ki seng kila dawa T. 100.00p na man kawei pa kawei ka trok kaba kit mawshun bad kiba iaid ha u Surok Jowai- Amlarem-Dawki.
Ka la ktah ia ngi ki driver bad ia ki malik jong ngi, la ong ki katto katne ki driver ki bym shym la kwah ban pynpaw kyrteng.
Halor kane, ka la don ruh ka jingujor kaba la buh sha u Deputy Commissioner ka West Jaintia Hills bad sha u SP ka West Jaintia Hills.
Kitei ki nongniah trok bad ki trai trok ki kyntu ia ka bor District bad bor pulit ban shimkhia ban peit ia kum kine ki jingkhrong pisa be-ain namar ka ktah shi katdei ia ka ioh ka kot, ka kamai kajih jong ki.