Shah kem u suba HNLC na Umkiang

Jowai, 26 Jylliew:
Uwei u briew uba la tip kyrteng kum u Junel Tongper uba dei na ka shnong Lumphyllut Umkiang u la shah kem ha ki Pulit ka East Jaintia Hills halor ka jingsuba donkti jong u bad ka seng HNLC.
Ia utei u briew la kem ha ka 23 tarik une u bnai bad katkum ka khubor pulit la iathuh ba u donkti ruh ha ki kam dawa pisa ha ka kyrteng ka HNLC ha ka thain Amlarem ha u snem ba la dep bad ki pulit ki la kam ruh ba ki la ioh kurup ia ki shithi dawa pisa kaba don ka symbol jong ka HNLC.