Shi lak tyngka na ka bynta ka jubab RTI

Shillong, 24 Jylliew:
Ka tnad ba dei peit ia ki kam khlaw ha Garo ka la pynpaw ia ka jingkwah jong ka ia ka Garo Student’s Union (GSU) Mindikgre Regional Unit ban thep pisa haduh shi lak tyngka na ka bynta ka jubab ba la pan lyngba ka Right To Information (RTI) Act 2005. Ha ka shithi ba la phah sha u Divisional Forest Officer (DFO) Garo Hills Division (T) Tura, West Garo Hills District, U President ka GSU Mindikgre Regional Unit u Greneth M Sangma u la ong ba u la dep ia ia kren halor ka jingpan RTI jong u ha ka 23 tarik mynta u bnai hynrei la pyntip ia u ba ym pat lah ban pyndep pynbiang na ka liang katei ka tnad.
U Greneth M Sangma u la ong ruh ba na ka liang katei ka tnad ka la pynpaw ba haba ka jubab halor katei ka jingpan RTI jong u ka la biang un hap ban thep shi lak tyngka tang na ka bynta ki kot xerox na ka bynta kitei ki jubab. U Sangma u la ong ba ka ka GSU kan nym pynlut pisa tang na ka bynta katei ka RTI namar kin don kiwei ki jinglut ban ioh jubab lyngba ka RTI da ka thep ia ki jubab baroh ha ka CD. U Sangma ha ka jingpan jong u ua la kyntu ia ka ophis ban pynbiang ia katei ka jingdawa jong u ha ka hapoh shiphew sngi.