U bah Lapang ha ka komiti rakhe 100 snem ka Indira

Shillong, 23 Jylliew:
Ka Sonia Gandhi President jong ka All India Congress Committee (AICC) ka la thaw ar tylli ki komiti na ka bynta ka jingpynkhreh ban rakhe ia ka lyngkhuh sngi kha kaba 100 snem jong ka indira Gandhi myntri rangbah duh barim ka ri. Ha kawei na kitei ki ar tylli ki komiti u bah D.D Lapang na kane jylla uba ioh ban long dkhot bad katei ka komiti ka dei kaba la tip kum ka Indira Birth Centenary Celebration Committee bad ha katei ka komiti ki don 21 ngut ki dkhot ba kynthup ia ki heh Congress na kylleng ka ri kum u Dr.Manmohon Singh, Rahul Gandhi, Sheila Dixit, P.Chidambaram, Tarun Gogoi bad kiwei pat. Kawei pat ka komiti ka dei kaba la tip kum ka Indira Gandhi Birth Centenary Implementation Committee bad ha katei ka komiti ki don 12 ngut ki dkhot ba kynthup ia ka Sheila Dixit, u Motilal Vora, Mukul Wasnik bad kiwei pat.