Shah ujor pulit, 9 ngut ki nongialam dorbar 4 Shnong

Nongstoin,1Naitung:
Khyndai ngut ki rangbah kiba dei ruh ki nongialam jong ka Joint Dorbar jong ki saw tylli ki shnong kiba kynthup ia u Bah S.Marngar, Bah Throsking Peinlang , Rington Lyngkhoi na ka shnong Khyllem, Bah David Sohshang, Gorit Sohshang, Tih Shangoi na ka shnong Tiehsaw , Bah Sping Marngar na ka shnong Mawkohnoh, Geophrin Marshingbai na Mawkohnoh, bad u Bah Bungyit Syiemlieh na Nongkasen, ki la shah ujor pyrshah ha thanad Nongstoin ha I kong Sirda Mangar halor kajingkynnoh ba ki la don kti ban shoh ia ka, ha ka 9 tarik jong u bnai ba la lah.
Ka Kong Sirda Marngar ka la ujor pyrshah ia ki khyndai ngut kitei ki rangbah da kaba kam ba ki la ktah kti bad shoh ia ka ha kaba la khot hajir ia ki da ki pulit ka thanad Nongstoin bad la wan synran lang ia ki da ki paidbah jong 8 tylli ki shnong da ka jingthmu ban dawa pyllait noh ia kitei ki lain gut khlem da teh kyndon eiei ha kaba ki la kam ruh ba katei ka kam kam dei ka jong uwei -ar hynrei ka dei ka kam jong u paidbah.
Haba kren bad ki nongthoh khubor u Bah T.R.Marwein u la ong ba ki pulit ki la pyndep ia ki jingdon kam baroh bad la pyllait noh ia kitei ki khynndai ngut katkum ki kyndon.