Ngin die 18 spah akar, U Syiem u ong leh katba mon: Sordar Mawpdang

Shillong, 1 Naitung:
Ka Dorbar Shnong Mawpdang, ka la pyneh beit ia ka jingkynnoh ba ka la thmu ban die jaka khlem ka jingmynjur ki paidbah ka shnong.
Haba kren hynne sha ki lad pathai khubor, u sordar ka shnong Maw pdang lem bad ki nongkitkam ka shnong u Bah Issac Syiem u la ong ba ka shnong ka la rai ban ia ka jaka jong ka shnong sha ka sorkar na ka bynta ban shna ia ka New Shillong, ha ka jingheh kaba 1800 akar. U la kam ruh ba wat u Syiem ka Hima Khyrim u la dep ai jingbit ia ka shnong ba ka jaka jongka, ka lah ban leh katba ka sngew mon.
“Ka jaka ba ngi die sha ka sorkar, ka dei ka khlaw” la ong u Sordar ka Mawpdang Bah Issac.
Kane ka jingkren jong ka dorbar shnong Mawpdang ka long hadien ba ka Raid Nongkrem ka la pyrshah jur ia kane ka jingthmu ka shnong Mawpdang ban die ia ka jaka paidbah.
“Ngi la rai ban die ia katei ka jaka sha ka sorkar khnang ban wan ki kam pynroi”, la ong u sordar.
Ia kane ka jingthmu la ioh ia ka jingkubur wat na u Syiem jong ka Hima Khyrim, u la ong.
Hynrei ha kajuh ka por, ka dorbar shnong kam shym la ai jingtip sha ka Khasi Hills Autonomous District Council (KHADC).
U la Sordar u la kyntait ruh ia ka jingkynnoh ka Nongkrem Raid ba kim lah ban die bad u la ong ba lada ka Raid Nongkrem kan kiew sha Supreme Court, ma ki ruh kin bud beit ban iakhun ia ka jingshisha.
Ngi pdiang ia ka jingwan ka New Shillong Township”, ki la pynpaw ki nongkitkam ka shnong Mawpdang.