Dakaid u tymmen ia 3 ki hep rit

Shillong, 1 Naitung:
Uwei u tymmen uba la 75 snem ka rta u la shah ujor da ka FIR ha Sohra Police Station halor ka jingkynnoh ba u leh beijot ia 3 ngut ki khynnah rit ha shnong Rymmai.
Katkum ka khubor na u SDPO ka Sohra u Bah Ian Onel Swer, une u tymmen uba la tip kyrteng kum u Moren Khonglam na katei ka shnong u la leh beijot ia lai ngut ki khynnah kiba 10, 11 bad 12 snem.
U bah Ian u la iathuh ba une u la leh ia kane kam sang ha khlaw kaba don hajan iing jongu hi bad u la leh ia kane naduh ka taiew ba nyngkong jong u Jylliew mynta u snem.
Hadien ba la ioh ia ka jingujor ia ka FIR, ki pulit ka Sohra ki la leit kem noh ia u bad ia kitei ki khynnah la phah ban leh ia ka medical test. “Ka jingtohkit pyrshah ia utei u tymmen ka dang iaid”, la ong u SDPO.