Yn weng ne yn pynneh ia U Mooshahary, ym pat rai ka Delhi

Shillong, 30 Jylliew:
Ka sorkar jylla kam pat ioh jingtip ei ei na ka sorkar pdeng halor ka jingthmu ban thung ia u Lat ba thymmai ha ha kane ka jylla Meghalaya, namar ba ka por jong u Ranjit Shekhar Mooshahary kan kut noh.
Ka thymmei khubor na ka Governor Secretariat ka la iathuh ba u Lat ba myn ta u Ranjit Shekhar Mooshahary un kut noh ha kane ka sngi u Blei.
Haba kylli la ka sorkar kan tyrwa iano iano ban shimti ia kane ka kam kum u Lat, ka thymmei khubor ka la ong ba ym pat phah kyrteng iano iano.
“Ngim pat leh kumta namar ba ngi dang ap ia ka jingthoh na ka sorkar pdeng” la ong ka thymmei khubor sorkar.
Ha kajuh ka por, ka thymmei khubor ka la iathah ba u Mooshahary un neh shwa haduh ban da thung da uwei pat.
U Mooshahary u la shimti kum u Lat ka jylla Meghalaya naduh ka 1 tarik Naitung 2008.