Bun ki jingjia aksiden sha Upper Shillong

Shillong,30 Jylliew:
Ka jingjia Aksiden khamtam ha ki surok Upper Shillong ki dei kiba ju jia khah khah bad kiba bun hi ki jingjia aksiden ki ju mih na ka jingiabuaid bad ki jingialeh sngewbha hapoh kali. Mynta, ka sngi ka la dei shisha ka sngi ba u Blei u dang Ri sumar ia ar ngut ki heprit kiba dang iaid lynti harud surok ha ki thain 7 mer, namar ki la jan shah tynrah ha kawei ka kali Alto private, kaba la iuh da ka speed ka bym I lah shuh ban teh-la-kam bad kata ruh ym dei ha ki khongdong, hynrei ha ka lynti kaba beit.
Ha katei ka jingjia ym shym la don mano mano ruh I rangbah hynrei ki shu iohi na kham pajih bad ki la pyrshang ban bat ia katei ka kali da kaba shu pyrta na jngai hynrei ka la suh beit wia sha ki thain Shillong ka kali kaba wan na sha ki thain Sohra , la iathuh ba ha katei ka kali ki la don kumba san ngut eiei ki briew kynthei bad shynrang kiba dang iashad ia kmen ryngkat ka jingpynheh jingrwai kaba la palat hapoh kali. “Haba shu peit I kumba baroh shi kali ki la buaid” ong uwei u rangbah uba la iohi ia katei ka jingjia da kaba iathuh ba kitei ki ar ngut ki heprit ki dei kiba dang thmu ban leit thied jingbam na dukan.
Kiba kum kitei ki jingjia ki dei kiba ju khah khah ha ki thain Upper Shillong ba ki kali sngewbha sngewbha ki kynrei bha ka iaid lynti khamtam ha ka sngi u blei, bad la ju iohi ruh ba bunsien hi ki dei kiba la shoh khawiang ka khlieh ha kaba ka jingpyntem Tape hapoh kali ka long kaba sngewkhlem akor palat, nangta sa ka ia shad ia kyrkait shynrang bad kynthei.