Wan lehniam ki Muslim ha nongbah Shillong

Shillong, 9 Jylliew:
Mynta ka sngi la iohi ba ki la don bun ki Muslim kiba iaid sawari ha Iewduh, u nongthoh khu bor u la lyngngoh ban iohi ia katei ka jingshang iew ki Muslim kiba iaid da ki kynhun kiba i phylla bad kiba la ithuh ba ki dei ki briew kiba dang thymmai ha kane ka nongbah Shillong namar ka sur kren jong ki,ka jingbym tip lynti jong ki ban iaid.
U Rupang u la pyrshang ban wad jingtip na ki nongialam niam Muslim ha kane ka jylla shaphang kitei ki briew kiba i phylla, hynrei la ioh jingtip ba ki dei ki briew kiba wan na bar jylla na bynta ka jingleh niam kyrpang ki Mulsim kaba neh katto katne taiew kaba dei ruh ka jinglehniam shah thngan kaba la tip kum ka Ramadan. La iathuh ba ha katei ka jinglehniam ki la don bunbah ki riew ngeit Muslim na kylleng ka ri India kiba la wan mynta sha nongbah Shillong ban ia shim bynta ha katei ka jinglehniam kaba shisien shisnem.