Kurup pisa Bangla ki shipai BSF,haduh3.4 lak

Shillong, 08 Jylliew:
Ki shipai BSF kiba dei peit ha Nongjri, East Khasi Hills District jong ka jylla Meghalaya ki la ioh ban kurup ia ka song pisa jong ka ri Bangladesh kaba kot haduh 3.4 lak taka katba u wei u nong Bangladesh u dang pyr shang rung tuh sha India na Bangladesh ha ka miet ba la dep. Tang shu poi ki shipai BSF ha katei ka jaka, u tei u khar Bangladesh u la phet krad bad jah noh hapdeng jong ka miet ha ki khlaw ba rben bad na ka jingjur jong u slap.
Ki shipai BSF ki la wad bniah ia katei ka jaka  bad lap ia katei ka pisa Bangladesh ia kaba la thep ha plastik.Ha ki bnai ba la dep, ki shipai BSF ki la ioh kurup ia ka pisa Bangladesh kaba shongdor 10.83 Lak bad kem lai ngut ki briew na  Balat, East Khasi Hills District. Kane ka jingioh kurup ia kitei ki song pisa ha kine ki ar tylli ki jingjia la imat ba ka dei jingsiew hapdeng ki nongkhaii tuh ha ki khappud.
Ha kawei pat ka khubor na ki shipai BSF  ha Gumaghat, South West Khasi Hills District jong ka Meghalaya, ki la kurup ia ki dieng cubit (87.59 cft) bad shibun ki siej kiba shong dor  T.93,000/- ha ka miet ba la dep kiba dang thmu ban pynrung tuh na India sha Bangladesh bad katba ki dang thmu ban klan ia ka wah Jadukata. Ki shipai BSF ki ba pahara ha kitei ki jaka ki la pyndonkam da ki tiar peit bniah katkum ka juk ba mynta bad ioh ban iada ia shibun ki jingjia kiba kum ki jingiakhaii tuh bad kiwei kiwei ki kam be-ain.