Yn rakhe ka BJP, ba dap 2 snem ka sorkar NDA

Nongstoin, 08 Jylliew:
Ka kyrwoh khu bor na ka BJP West Khasi Hills District lyngba U President jong ka Seng U Bah Fridoline Marwein, ka pynbna paitbah ba ka Seng BJP kan pynlong ia ka jingrakhe dap 2 snem ka Sorkar NDA hapoh ka jingialam u Narendra Modi kum u Myntri Rangbahduh ka ri ha ka 15 tarik u Jylliew, 2016 naduh ka por 11 baje mynstep, ha Free Morning School. Ka kyrwoh khubor ka iathuh shuh shuh ba ha katei ka sngi U President Rangbah ka BJP Meghalaya u Ma Shibun Lyngdoh, Genl. Secretary BJP Meghalaya u Bah David Kharsati bad kiwei kiwei ki nongialam ka party na shabar ka Jylla kin don ryngkat.
Kumta, ka Seng BJP ka iawer ia baroh ki Dkhot bad nongkitkam jong ka Seng hapoh West Khasi Hills ba kin iawan khnang khnang bad la khot sngewbha ruh ia baroh ki para dkhot lem bad ki Nongkyrshan ba kin iawan sha katei ka jingrakhe bad kan don ruh ka jingialang bad ka jingpynshai ia ki Prokram bad ki Scheme jong ka Sorkar Kmie. La pynpaw ruh ba yn iatai ruh ia ki mat ba kongsan kum ka jyrsieh bam sap hapoh ka Scheme PMGSY bad kiwei kiwei ba ka Seng shen kan sa ai da ka dorkhas sha ka Sorkar Kmie ha Delhi.