Pynjlan ka KHADC ia U bah Welljune kum U Secretary

Shillong, 8 Jylliew:
Ka Khasi Hills Autonomous District Council (KHADC) ka la pynjlan 45 sngi ia ka samoi treikam jong u Secretary sha ka Executive Committee u bah Welljune Syiemlieh. U Rupang u la ioh jingtip lyngba ki jingpynbna ka KHADC kaba ka la pyllait ha ka 31 tarik u jymmang ha kaba la ai jingtip sha baroh ki ophisar ka KHADC bad kumjuh sha u Deputy CEM ka KHADC.
Katkum ka por ba la buh ka por jong u bah Welljune kum u Secretary sha ka Executive Committee ka la kut noh ha ka 31 tarik u jymmang bad ka la dei ruh ka por ba un shongthait noh hynrei la ong ba namarba ka KHADC kam pat lap ia ki Secretary jong ka kiba kham tbit ia katei ka kam ka la rai ban pynjlan biang noh ia ka por treikam u bah Syiemlieh. Katkum ka jingtip ba u Rupang u la ioh lum la iathuh ba hadien ba la kut katei ka 45 sngi u bah Syiemlieh ka ban kut ha ka 15 tarik u naitung, ka KHADC ka lah ban pynjlan biang ia ka por treikam jong u sha ka hynriew bnai.