Ka Meghalaya Basin Development Authority (MBDA) ha ryngkat ka jingiatreilang bad ka Garo Hills District Basin Unit kan pynlong ia ka tamasa pyni sohphan kaba –ar sngi ha ka 11 bad 12 tarik u Naitung bad ia kane ka tamasa la tip kum ka “Jackfruit Festival” ka ba hap hapoh ka Meghalaya Integrated Basin Development and Livelihood Promotion Program (MIBDLP).
Kat kum ka jingwad jingtip, kaba la pyrshang ban wad jingkhein kyllum ia u sohphan, uba la shu bret kai ha Ri-Lum Garo, la lap ba u shongdor palat T.118 klur u sohphan la shu bret kai ha East Garo katba T.434 klut pat haba khein lang ha baroh kawei ka ri-lum Garo ha ka shi aiom.
Ha katei ka tamasa kaba yn pynlong haduh ar-sngi kynthih kin don ki rong pyni kiba bun jait bad kumjuh ruh ki jingiakop kiba kynthup ia ka jingpyni ia ka rukom shet kaba pher bapher ia u sohphan, ka jingpyni ia sohphan uba heh tam,ka iakop bam sohphan bad kiwei ki ijingiashim bynta ban pyni ia u sohphan.
Ka jingia pyni ia u sohphan uba heh tam lyngba katei ka Tamasa ka lah ruh ban long kaba yn lah ban pynrung ha ka thup World Record, lada lehse un don uba khamtam kilo ia uba la don lypa uba khia haduh 34.4 kilo uba la iakop ha ka thup ia kop jong ki nongrep ka Hawaiian bad la khmih lynti ba ka Garo Hills, kan lah ban tam ia katei ka jingkhia, lada don kiba wan ia shim bynta thikna na ki dong bapher.
La ong ba shi bynta ka jingpynlong ia katei ka Tamasa ka dei ban pyntip sha ki paidbah ia ki rukom ban pyndonkam a u sohphan uba ki shu ia pynlehnohei baroh shikatta bad ba kin ioh jingtip ruh ia ka jingmyntoi lada bam ia u, ong ka kyrwoh na U Vijay Kumar Mantri, DC East Garo Hills, ha ka jingpynmih khubor mynta ka sngi.
Phi don ban ong eiei?