Pynjari kyndon 144 U DC East Jaintia

Shillong, 02 Jylliew:
U Deputy Commissioner ka East Jaintia Hills District u la pynjari ia ka kyndon 144 CrPC ka ba khang shisyndon ia ka jingiaid jong ki kali kit mar kynthup ki kali kit dieng ha ka surok kaba na Pala- Saipung kaba hap hapoh ka East Jaintia Hills District.
U Deputy Commissioner u la pynjari ia kane kyndon halor ka nongrim hadien ka jing-ioh jingtip ba ki don ki kali kit mar bad kit dieng kiba kit palat ia ka 20- 25 metric ton ki ba iaid lyngba kane ka surok .
Kane ka jingiaid kali ka lah ban pynjot bad pynpra ia ka surok kaba dang dep shna bad wanrah ia ka jingshitom ha ka leit ka wan jong ki nongshong shnong ha ka ne ka thain. Kane ka hukum kan treikam tad haduh ban da pynbna da kumwei pat.