Mynta yn kynther ka Hoobastank ha Polo

Shillong, 28 Jylliew:
Lashai ka sngi, ka kynhun rwai jong ka Hoobastank, kaba na California, kan ai ia ki jingrwai jongka, naduh ka por 3baje nohsngi ha madan Polo.
Ha ka jingiakren bad ki kotkhubor mynta ka nohsngi ha Tripura Castle, u nongrwai jong katei ka kynhun, U Doug, u ong “Ngi ioh pdiang ia ka email na kane ka kynhun bad ngi la ia pyrkhat.’ Ngim pat ju wan sha India, ka long kaba sngew pyngngad shibun bad ngin ia trei tyngeh” Ka jingrwai The Reason, kaba dei ka jingrwai kaba la pynkiew nam ia katei ka kynhun, na ka thup jong ki jingrwai Billboard ha u snem 2004, kan sawa lashai ka sngi ruh, ha kaba katei ka kynhun, kan rwai ia katei ka jingrwai lashai ka sngi ruh.
U Pradyot Deb Burman, uba dei u nong seng jong katei ka makasin bad uba dei ruh u editor jongka, u iathuh ba kane ka thain kam pat ju mad ia ki jingrwai kiba dang shongshit shisha bad kumta, u iathuh ba ula thoh da ka email sha katei ka kynhun rwai, ha kaba ula leit hi dalade ruh sha America bad kumta, mynta ki la don ha Shillong, na ka bynta ban pynshongshit lashai ka sngi, ban kynmaw burom ia ka jingdap ba 6snem jong katei ka makasin.
Katei ka kynhun, ka don ia u nongrwai, U Doug Robb, u nongtem kaitar, U Dan Estrin, u nongtem bass U Jesse Charland bad u nongtem bom, U Chris Hesse, ha kaba ki la poi ha ka nongbah Shillong, ha ka 27tarik Jylliew 2013. Ki paidbah, kiba leit lashai ka sngi, kin da shah talasi bha, ha shwa ba kin rung sha katei ka madan ia rwai ha Polo.