Thmu pyniaid iew ia ka Onaatah shabar ka Meghalaya

Shillong, 02 Jylliew:
Namar ka jingiaid iew ha kane ka jylla, ka phlim Khasi ka “Onaatah”, la don ka jingpyrkhat na ki nongpyniaid ban pyn iaid iew shabar ka jylla shaduh Assam ruh ia kane ka phlim. Ha kajuh ka por, ka jingpyni ia ka phlim yn bteng ban pyni haduh ka taiew basaw namar ka jingjur ka jingdawa na ki paidbah nongpeitkai.
Ka tyngshop jong kane ka phlim ka kong Sweety Jane Pala ka la ong hynne ka sngi, ba la rai ban bteng ia ka jingpyni ia kane ka phlim haduh saw taiew kaban sdang naduh kane ka sngi Thohdieng.
Tang hapoh shi taiew, la don haduh 10 hajar ngut ki nongpeit ia kane ka phlim kaba la pynlait paidbah mynshem bnai.
“Ka jingjur ki nongpeitkai ka la ai mynsiem shibun ia ngi”, la ong ka Kong Sweety haba kren sha ki nongthoh khubor mynta ka sngi.
Ia kane ka phlim yn pyni paidbah ha Anjalee bad ha Biju cinema hall bad ka dor jong ka tiket kan neh kumjuh.