Ka khyrdop peit mynder ha Byrnihat “ka dukan” ong ka UDP

Shillong, 28 Jylliew:
Ka UDP Youth Wing ka la ong ba katei ka khyrdop peit mynder (Infiltration Check-Gate) ha Byrnihat ha Ri Bhoi District ka long tang kum ka Dukan shong iew.
U President jong ka UDP Youth Wing u Bah Titosstar Well Chyne u la ong ba ka jingtreikam jong katei ka khyrdop hangtei ha Byrnihat ka la mih ka jingartatien ia ki paidbah.
Hadien ba la iakynduh ia ka Myntri ka kam pohiing ka Jylla ka Kong Roshan Warjri, u Bah Titoss u la sngew khia jur halor ka jinglong jingman jong ka jylla hadien ba la mih ka jingjia ha ka thain Garo Hills.
U la ong ba katei ka jingjia ka lah ban ktah namar kito ki briew kiba namar ki lah ban wan rung shane sha ri Khasi, namar kane dei ban pynkhlain ia katei ka Infiltration Check gate ha Byrnihat bad ha kiwei ki jaka.
“Ka jingmih jong ki nongbylla nangthie na ri lum Garo ki lah ban wantuid shane sha ri lum Khasi”’ la ong u President ka UDP Youth Wing.
Ha kajuh ka por u la iathuh ba ka Myntri ka kam pohiing ka Jylla ka la ong ba ka Infiltration Check Gate hangne hapoh ka Jylla ka la treikam bha.
U la ong ba ka Myntri ka la iathuh ba kawei ka check Gate ka la trekam ha Rattachara ka ba don ha East Jaintia Hills District.
Ha kawei ka liang ka UDP ka la pynsngew ia ka jingsngew khia halor ki kam batbor ia ki khynthei, ka jingbymlah jong ka Sorkar ban kem ia u heh Pulit SI u Nurul Islam uba batbor ia ki kynthei ha Ampati ha Garo Hills.
U la iathuh ba na ka liang jong ka Myntri ka la kular ban shimkhia halor kane ka kam