Dkoh ki tnat sorkar, ong ka Cabinet

Shillong, 28 Jylliew:
Ka jingialang ka kabint hynne ka sngi Thohdieng ka la pdiang ia ka jingai jingmut jong ka Anomaly Committee (AC) ia ki mat ba iadei bad ka jingtreikam ki tnad sorkar bapher bapher.
U Myntri Rangbah ka jylla u Dr. Mukul Sangma hadien ba la wai ka jingialang kabinet, u la ong ba “ngi la pdiang ia ka jingai jingmut jong ka Anomaly Committee ha kaba iadei bad ka tnad pule puthi ka jylla.
Katkum ka jingong u Myntri Rangbah ka jylla, ka sorkar ka la rai ban mang T. 300 kum ka bai head teacher ia ki nonghikai primary school nalor ka T. 500 ia u vice principal bad assistant teacher ha ki higher and secondary school.
Lah ban kdew ba bun bah ki dorkhas ba la ujor sha ka sorkar halor ka jinglong ka pule puthi ha kaba ka sorkar hadien ba la eksamin bha ka la pdiang, la ong u Dr. Mukul.
Nalor ka ophis jong u Deputy Commissioner bad ka Meghalaya Nursing Services la iakren ruh ha ka jingialang, ia ka tnad ka koit ka thiah ha kaba la phah biang sha ka Committee ban ai jingmut kham bha halor kane.