Hikai niah bait U SP ban lait na jingaksiden

Shillong, 30 Jymmang:
Ban lait na ka jingjia aksiden, mynta ha ka ophis jong u SP ka East Khasi Hills ka la pynlong ia ka jinghikai niah bait (bike) ia ki briew ka nongbah kumno ba kin husiar haba niah bait ban lait na ka jingma ha ka jingim.
U SP Bah M Khar krang u la pynlong ha Sardar Police Station ia kane ka jinghikai hdien ba la mih jur ka jingjia aksiden na ka jingiaid khyllew jong ki nongniah bait ha kine ki sngi khamtam ka jingnang bun kiba niah bike ha kine ki sngi.
Kumba 150 ngut ki nongniah ar shaka kynthup ki kynthei ki la wan ban shah hikai ha kane ka sngi.U SP u la kren ia ki nongniah kumno ban phikir bad ban bud ia ki rul haba niah ha surok naduh ki jingai dak, phong tupia, jingniah sted, bad kiar na kaba pyndonkam ne kren mobile.
Ka jingniah phikir ym tang ba pynlait ia ka jingjia aksiden bad jingmynsaw ia u nongniah hynrei ia ki briew ba iaid lynti ruh.
La pyni ruh da ki video ia ka jingjia aksiden na ka jingniah thumur.