Liem ka FGEM ha ka Rev JJM ha ka Subroto Mukherjee Cup WKH

Nongstoin, 28 Jylliew:
Mynta ka sngi Thohdieng jong ka taiew ha ka jingialehkai U-17, ki khynnah shynrang ka Rev.JJM .Nichols Roy SS kala pynliem noh da 3 la 0 ia ka FGEM SS ha ka lympungka West Khasi Hills District Level Subroto Mukherjee Cup 2013 ba la pynlong sa ka ophis u District Sport Officer.
Ha kawei pat ka jingialehkai ka United National SS kala iakhaid mar 1 kol bad ka Sibsing Memorial Govt. HSS, katba ka KJP Synod Sepngi HSS kala pynliem noh da 8 la 0 ia ka Morning SS, ka Joel Gatphoh Mem. SS kala pynliem noh da 3 la 0 ia ka Anderson English HSS.
Ha ki U-14 ka Dapboklang Giri Mem UPS kala pynliem da 6 kol la 0 ia ka Assembly Of God SS, ka Rev.JJM Nichols Roys Mem SS kala pynliem da 3 kol la 2 ia ka Thomas John SS , ka Rilyngngam SS kala pynliem noh da 3 la 1 ia ka United National SS , bad ka BM Pres SS kala poi noh ha ka jingiakhaid da mar 2 kol bad ka New- Nongstoin SS.
Ki khynnah kynthei ka Sib Sing Mem.Govt HSS ki la pynliem da 3 la 0 ia ka BM Pres SS bad ka Lurmangkara UPS kala pynliem noh da 2 la 0 ia ka BBC SS ha ka kyrdan jong ka U-17.