Shillong, 27 Jymmang:
La lap ia ka metiap jong uwei u khynnah skul uba dang 16 snem karta bad ia ka metiap jong u la pynsdien phasi ha uwei u dieng. Utei u khynnah u la shah rahbor mynhynnin ka janmiet na ka shnong Horipur ka shnong kaba don hajan Rajabala. Utei u khynah u dei uba la tip kyrteng kum u Joshibur Rahman, u Joshibur u dang shu ioh resol Matrik ha ka sngi balang bad u la pas ia katei ka eksam.
U kpa jong u, u dei u nonghikai ha kawei ka skul sorkar ha katei hi ka shnong. Ha ka por ba lap ia katei ka metiap la ong ba la teh ia ki kti jong u shadien da ki tyllai plastik. La lap ia katei ka metiap na ka jaka kaba jngai tang 100 mitar na ingsah jong utei u khynnah. U SP ka West Garo Hills u Mukesh Singh u la ong ba ki pulit ki dang tohkit bniah ban ioh kem ia ki runar kiba donkti ban pyniap ia utei u khynnah. Ki bahaing hasem ki laujor FIR ruh sha Rajabala Police Station.
Phi don ban ong eiei?