Ym tang ka khlieh, khein kti ruh u Champion

Shillong, 27 Jylliew:
U Chairman ka GNLA u Champion R Sangma u la mynsaw jur hadien ba la shah shoh ha ki para koidi hynnin ka step sngi Balang. Katkum ka jingiathuh ki bor ka Shillong Civil hospital, u Champion u la mynsaw jur ym tang na ka khlieh, shkor hynrei ki la iathuh ruh ba ka kti shilliang ka jong u ka la khein.
Ka Joint Director jong ka Civil Shillong Hospital ka Dr LL Sawian ka la ong ” ba la suh ksai ia ka khlieh bad ka skhor” bad ka la bynrap ba ka kti jong u ka la khein.
Katkum ka jingiathuh ka Dr Sawian ka la ong ba ka jinglong jingman jong ka met jong u ka la koit la khiah bad la ong ba lada la kham biang ka jingkoit jingkhiah ka jong u ki bor jong ka Hospital kin sa pyllait noh ia u.
Lah ban kdew ba u Champion mynnin ka sngi u la mynsaw jur hadien ba u la shahshoh ha ki para koidi ha Shillong District Jail. Katba u Champion u la shah bat ha ki bor Hospital hadien ba u la mynsaw jur hynrei kiwei pat la pyllait noh hadien ba ki la dep tah dawai.
Shimiet shimiet ka sorkar ka la weng noh ia u DG (prisons) Kulbir Krishen na katei ka tnat wat ha ka jingshisha u la dep hukum ban pynlong ia ka jingtohkit halor katei ka jingjia.