Phet seng u nongialam ka Youth Congress

Shillong, 26 Jymmang:
U dkhot jong ka seng Congress u Ravi B Kharmawphlang mynta ka sngi u la risaiñ noh na ka seng Congress bad ia ka shithi iehnoh kam u la phah sha ka President rangbah duh katei ka seng ka Sonia Gandhi. Utei u samla u la ong ba watla u long uba noh synniang bha sha katei ka seng ha ki kambapher bapher hynrei mynta la 7 snem ym shym la don ba ai bynta ia u ban trei ia kino kino ki kam bad dei na katei ka daw u risaiñ noh.
U la ong ba kham mynshuwa la pynkit ha u bunbah ki kam kynthup ka kam elekshon ha ki kiwei pat kijylla bad u la ong ruh u Incharge jong ka Indian Youth Congress na bynta ka Central Election Control Room ha Guwahati ha ka por ba u Tarun Gogoi u la sha jied ha ka sien kaba-ar bad u la ong ba u la don ha ka seng Congress la 30 snem.