Ka percentage na ka MP skhim barim

Shillong, 26 Jymmang:
Hadien ba la mih khubor ha u Rupang, ba ka la long kaba eh ban ioh MP skhim namar ba hap ai percentage, na ka liang u sordar ka Mawkdok u la pynshai ba ka jingkren jongu, kam mut ba u thew ia u MP ba mynta hynrei ka dei ia ka skhim kaba ha ka por mynshwa.
Dang shen, u sordar ka Mawkdok u Bah W Nongrum u la ong ba ban ioh ia ka MP skhim ka long kaba eh namar ba ka donkam ban ai percentage ha ki briew ba pynioh ia ka, bad u la kren ha ka jingialang plie ia ka dorbar hall ha shnong Mawkdok ha kane ka taiew ba la dep.“Ka jingong ba hap ai percentage, kam dei ba mut ia ka MP skhim ba mynta hynrei ka dei ia ka por mynshwa”, la ong ka jingpynshai.Kumban shu pynkynmaw, ka Mawkdok ka la ioh MP skhim T. 3 lak ban shna ia ka iing dorbar jongka kaba la shna ha ka jinglut kaba T. 15 lak bad kaba bun la sei hi da ka shnong ban pynbit pynbiang ia ka.