Na 50 hajar ngut, tang 27 hajar ngut kiba pass ha ka Matrik

Shillong, 25 Jymmang: Ki la don haduh 50126 ngut ki khynnah kiba ia khun ia ka eksamin Matrik ha baroh kawei ka jylla kynthup naduh ki Regular bad ki Private kandidet. Na kitei kiba la pass baroh ki long 27,119 ngut.Haba kheiñ ia ka percentage kiba pass baroh khoit na kiba ia khun ka long tang 54.10%. Na kitei 22613 ngut ki dei ki khynnah Regular bad kiba pass ki long 17, 878 ngut bad haba khein percentage ia kiba pass ha ka rehular ki long 79.06%.
Katba 27,513 ngut ki dei ki khynnah Private bad kiba pass ki long tang 9241 ngut. Na baroh ki khynnah kiba ia khun ha ka eksamin Matrik mynta u snem la ka long ki Regular ne ki Private ruh kiba kham leh bha dei ki khynnah kynthei ha kaba ki kynthei ki khamtam haba ia khein percentage ia ka jingpass ban ia ki shynrang. Na ki Regular kandidet ki khynnah shynrang baroh kiba pass ki long 78.68 % katba ki kynthei pat 79.38%.
Haba phai sha kiba pass bha kiba ioh rung ha ka Top -20 ka Anuj Kundu na ka skul Jawaharlal Nehru Higher Secondary School,Phulbari ka la wan ha ka kyrdan ba nyngkong eh. Ha kane ka eksamin matrik mynta u snem ki la don haduh 45 ngut ki khynnah kiba la ioh 100 na ka shispah ha ka sobjek jingkheiñ ne ka Mathematic , ki don 12 ngut kiba ioh 100 na ka 100 ha ka sobjek Science and Technology,13 ngut kiba ioh 100 na ka shispah ha ka sobjek Health Education, 15 ngut kiba ioh 100 ha ka Computer Science bad 6 ngut kiba ioh 100 ha ka Social Studies.