Ka sorkar U Dr Mukul ka la pheil, ong ka BJP

Shillong, 27 Jylliew:
Ka BJP Meghalaya ka la kynnoh ba ka sorkar jylla hapoh ka jingialam u Dr Mukul Sangma ka la phiel ban ai ia ka jingiada ia ki paidbah ka jylla ha ka thain Garo Hills.
Ka BJP ka la ther ia u Myntri Rangbah uba la pynpaw pyrthei ba ka sorkar ka la ai jingmut ia ki nongbylla bar jylla kiba don sha Garo Hills hadien la mih ka jingjia ha kine ki sngi.
U general secretary ka BJP Meghalaya u Dipayan Chakraborty u la ong ba ka ain ka nun ha ka thain Garo Hills ka la synjor haduh katta na kaba sniew sha kaba kham sniew shuh hadien ba la wan kane ka sorkar MUA-II ba la ialam da ka Congress ha ka jylla.
U la ong ba ka jingkitkhlieh jong ka sorkar ban ai jingiada ia ki paidbah ka thain Garo Hills ka duna.
U Chakraborty u la ong, “Dei ban wanrah biang ia ka jingsuk ha Garo Hills da kano kano ka lad”.
Ka Communist Party of India (CPI) Meghalaya unit ruh ka la pynpaw ia ka jingsngew khia ia ka jingjia ha ka thain Garo kaba la pynsynjor ia ka jinglong ka suk ka sain. Ka party ka kyntu ia ka sorkar jylla ba kan shim ia ki lad ki lynti ban pynneh ia ka jingsuk ha katei ka thain khnang ba ki paidbah kin ioh biang ia ka jingshngain.